(مستغربه)
تصدق بإيه كنت واحشني
وواحشني اسمع حاجه عنك
ورغم أن بعدك جنني
مش قادره اقرب انا منك
وبنسى معاك أحزاني
وف البعد مشتاقه لحضنك
مستغربه نفسي إكمني
معرفش في الحب غير اسمك
مستغرباني وانا عاشقه
جوايا مشاعر ليك صادقه
مش عارفه حبيتك امتى
وليه في حبك انا غارقه
كان حلم اصلا محلمتوش
ولا كان يخطر يوم على بالي
ليه قلبك زمان مقابلتوش
لما كان البال خالي
كانت حياتي بقت جنه
وانا جوه قلبك ياغالي
مطمنه وانت معايا
احساسي دايما يسبقني
نفسي تحس بهوايا
وان شوقي بيسعدني
وانك بقيت كل منايا
قلبي في حبك يغلبني
عنيك تنور لي سمايا
لما بحبك تغمرني
الشاعرة نجوى الحاروني

