(ملكش امان)
كل البيبان اتقفلت
كلهم مشيوا وفاتوني
سكك العذاب طولت
وبكدبهم جرحوني
الكل بان على حقيقته
وببجاحة ظلموني
وانت كنت السبب
خليتهم يوجعوني
بسرعه كده زهقت وسبتني
وانا كنت محتاجه قربك
في عز وجعي تركتني
وبعدتني عن حضنك
لو فاكر انك ضمنتني
فمش هتلاقيني جنبك
بقى بينا الف باب
والف طريق مسدود
مالوش لزمه العتاب
بقى الف حدود
لو عامل حساب الغياب
انا اصلا مش موجود
من زمان مش من دلوقتي
من ايام كتير فاتت
كنت تقول حبيبتي وصديقتي
بس حياتي عليك هانت
وفجاه الغدر بان
والوش الحقيقي ظهر
بعتني من زمان
وقلت ده النصيب والقدر
مش قادر اكمل معاكي
مشاعري ليكي كانت
واديني مشيت وسبت
ولا كنت اصدق ان قلبي هان
اديتك حبي وانت بعت
وخلاص اللي بينا بقى كان
ومسيرك في يوم تندم
وتتمنى ارجع زي زمان
ومن دلوقتي بقولك
انسى اني اديلك امان
الشاعرة نجوى الحاروني
