(وبس يومين)
كانو يومين يادوب يومين
عشمني بيهم سقاني الحنين
وبنظرة عين دوبني فيهم
ونسيت معاه حزن السنين…..
خلاني احس ان اللي جاي
احلا معاه
وبقيت أسهر اعد النجوم
في ليل هواه
ولو تغيب قلبي يسيب
حضني من شوقي ليهم
ويعيش ماليه حب وحنين….
كانو يومين مش اكتر
وخلاص كانو
كان نفسي اكمل اكتر
بس عيني وقلبي هانو
وأما اتأكد اني عاشقه
واني جوه القلب راشقه
راح وسابني من غير اعذار
وعنيه وقلبه ليا خانو
مقدرتش انسى حبي فيهم
وقلبي وروحي ليه عاشقين…..
يومين وكانو بعمري كله
ملحقش قلبي أنه يقوله
أنه واحشني وأنه حبيبي
واني مشتاقه لضله
وان روحي عايشه بيهم
وان عيوني فيه دايبين….
يومين وهفضل بيهم ع العهد
قلبي صاين حبك وده وعد
يعيش بحبك طول السنين
مالي حياتي حب وحنين
ولو كان ما بينا ألف سد
هعيش على أمل أننا راجعين….
الشاعرة نجوى الحاروني
