حبيب قلبي يا عمو أحمد…
مناجاة أدبية مستوحاة من قصة الطفلة أنوار، ومن الوفاء الذي تركه في قلب من دافع عن حقها.
بقلم الدكتورة حمدية عمر
انا انوار
من قلبي لقلبك عمو احمد
اتمنى ف يوم ماتنسانى
يا اطيب قلب ف الدنيا عطف على قلبي وحمانى
وقفت معايا ف الدنيا
وحقي بأمره يرجعلي
ولو ما كنش ف الدنيا
اكيد ف الاخره يرجعلي
ومش هنسي ولا هسامح ف حقي وكلكم عارفين
وعارفين ايه حصل ليا بقسوة قلب ماتت فيه معانى الرحمه وقتلنى
ومش هنسي كمان لما
دافعت عشان تجيب حقي
من اللى قتلنى ورمانى
ماهنش عليك يضيع حقي
وقلت الحق للعالم
حبيب قلبي ياعم احمد يا اطيب قلب خلانى
احس بانى ليا اب وعدنى ف يوم ما ينسانى
وقالها كمان علي قبري
يانور أنا لسه على وعدى
وهرعي برضو اخواتك
لانكم زى اولادى
وعمري ما ارضي يوم بالظلم
ولا اشهد ف يوم باطل
شهادة حق يوم الدين
هنتحاسب عليها كمان
حبيبتى نامي وارتاحي
وربك راح يجيب حقك
وسامحينا لو
ف يوم كنا
بعيد عنك ومش جنبك
لكن والله ما نسيتك ولا عمري راح انساكي يانور انتى
كمان بنتى وربي يعلم الباقي
سمعت الدعوه من قلبك وبحمد ربي علي حبك
وعلي وعدك باخواتى
أمانة ياعمو ما تنسي تزورهم مره من وقتك انا عارفه أن مش بأيديك
وبعادك كان غصب عنك
ولولا ما كان معاد شغلك
اكيد هتزورنى كام مره
وانا مرتاحه في قبري
عشان ليا عم واب زيك
يا اطيب قلب ف الدنيا
حبيب قلبي ياعم احمد
اللهي ما اتحرم منك
ومن دعواتك الحلوه
بنوصلنى وكمان بفرح
ب اب فاكرنى ف الدنيا
وجاي على قبري يدعيلي
ياريت يا عمي توعدنى
تزور اخواتى لو مره
عشان ما يحسون بغيابي وبوجودك الحياه حلوه
اكيد راح تحلي دنياهم
وكلمه اخيره من قلبي بقولهالك
ماتزعلشي عشان مره شهدت الحق
ولو كل الشهود قالوا لاء
اكيد الحق يوم هايبان
هنتقابل ف يوم الحق
ويومها تاخدنى بالاحضان يا اطيب اب واطيب عم ف الدنيا
حبيب قلبي ياعمي احمد
مناجاة من القبر
من قلب انوار إلى عمو احمد القلب الطيب
