أشعار حمديه عمر
((أمجاد مصر))
أنا مصر النيل
انا مصر الأهرام
والعاصمه النبيلة
مدينة الأحلام
الله شرفنى بصوته
بأكرم الكلام
وحفظنى الله بحفظه
من شرور الأيام
قصة محبة جاية
من طيات الغمام
تهدى للبشرية
النور ويا السلام
وأبارك للناس أهل
الطموح أصحاب
الهمة و الالتزام
والعن من لايجارى
الحياة وكل أفعاله
نقد و كلام
انا أرضى خصوبتها
مع الأمطار بتتكلم
ومازالت نجوم الدنيا
من علمى بتتعلم
الوحدة المحبة الود والالتحام
انا كل معاول الدنيا
ما تعلم على جبيني
ولا مكر الماكرين
يقتلني أو يغطيني
لاني حقيقة بتنور
لكل أحلام الزمان
وشمعة فكر معروضة
فى متاحف كل مكان
تحكى تاريخ شعب
واعى لا ذل ولا أنهزام
تحكى تاريخ أرض
طاهرة من الزمام للزمام
أسمها مصر النيل
أسمها مصر الأهرام
والعاصمة النبيلة
مدينة الأحلام
………………………..
من الديوان المعروف
بأسم عصر الفرح
والدموع مسجل بدار
الكتب المصرية
